ڈیجیٹل فوٹ پرنٹس متعلق
ڈیجیٹل فٹ پرنٹ چھ تمن نشاناتن تہٕ ڈیٹاہس سۭتۍ مراد یس افراد ڈیجیٹل پلیٹ فارمن تہٕ انٹرنیٹس پیٹھ چھ تعامل کران۔ اتھ چھ بعض اوقات ڈیجیٹل شیڈو یا الیکٹرانک فٹ پرنٹ تہ ونان۔
اتھ منٛز چھ تم معلومات تہٕ سرگرمیہٕ شٲمل یم تم ویب سائٹس، سوشل میڈیا، آن لائن سروسز، تہٕ الیکٹرانک ڈیوائسز استعمال کران ۔ یہ ڈیجیٹل ٹریل ہیکہٕ جان بوجھ کر یا غأر ارادٕ سۭتۍ بنتھ تہٕ اتھ منٛز چھ مختلف قسمن ہنٛد ڈیٹا شأمل، ییتھ کیٛن زن ذاتی معلومات، آن لائن طرز عمل، مواصلاتی نمونہٕ، تہٕ آن لائن لین دین۔
ڈیجیٹل فٹ پرنٹ چھ نسبتا مستقل نوعیتک آسان تہٕ اکہ لٹہ ییٚلہ پوسٹ کرنہٕ آمت ڈیٹا یا معلومات عوٲمی چھ گژھان، مٲلکہٕ سنٛد چھنہٕ باقین ہٕنٛد طرفہٕ امہ کس استعمالس پیٚٹھ کانٛہہ قوبو آسان۔ امیک ہیٚکہ مثبت یا منفی اثر ٲستھ تہٕ کنہ ساتہٕ ہیٚکہ یہ سائبر فراڈ کرن وٲلۍ استعمال کٔرتھ۔ لہذا صارفینن خٲطرٕ چھ یہ ضروری ز تم آسن ڈیجیٹل فوٹ پرنٹس متعلق امکہ ممکنہٕ اثراتن سۭتۍ باخبر تہٕ آن لائن ڈیجیٹل وسائلن ہنٛد استعمالس ذہنس منٛز تھونہٕ۔