മുഖവുര
ചൂഷണം ചെയ്യുക അല്ലെങ്കില്‍ കൃത്രിമം കാണിക്കുക എന്ന ഉദ്ദേശ്യത്തോടെ കമ്പ്യൂട്ടര്‍ സിസ്റ്റങ്ങള്‍, നെറ്റ് വര്‍ക്കുകള്‍, അല്ലെങ്കില്‍ ഡിജിറ്റല്‍ ഉപകരണങ്ങള്‍ എന്നിവയിലേക്ക് അനധികൃതമായി പ്രവേശനം നേടുന്നതാണ് ഹാക്കിംഗ്. സുരക്ഷാ നടപടികള്‍ മറികടക്കുന്നതിനും ലക്ഷ്യമിട്ട സിസ്റ്റത്തിന് മേല്‍ നിയന്ത്രണം ലഭിക്കാനും വിവധ സാങ്കേതികവിദ്യകള്‍ ഉപയോഗിക്കുന്നതും ഇതില്‍ പെടുന്നു.
അക്രമികള്‍ അല്ലെങ്കില്‍ സൈബര്‍ ക്രിമിനലുകള്‍ എന്നുമറിയപ്പെടുന്ന ഹാക്കര്‍മാര്‍, കമ്പ്യൂട്ടര്‍ സിസ്റ്റങ്ങളെയും അതിന്റെ ദൗര്‍ബല്യങ്ങളെയും സംബന്ധിച്ച തങ്ങളുടെ അറിവ് ഉപയോഗിച്ച് ലക്ഷ്യമിട്ടതിന്റെ പ്രതിരോധങ്ങളെ മറികടക്കുന്നു. ഒരു സിസ്റ്റത്തിലേക്ക് പ്രവേശിക്കുന്നതിന് സോഫ്റ്റ് വേര്‍ ദൗര്‍ബല്യങ്ങള്‍, ദുര്‍ബലമായ പാസ്സ് വേഡുകള്‍, അല്ലെങ്കില്‍ സുരക്ഷ സംബന്ധിച്ച തെറ്റായ രൂപരേഖ തുടങ്ങിയവ അവര്‍ ചൂഷണം ചെയ്‌തേക്കാം. ഒരിക്കല്‍ പ്രവേശിച്ചുകഴിഞ്ഞാല്‍, സുപ്രധാന വിവരങ്ങള്‍ മോഷ്ടിക്കാനും, ഡാറ്റ മാറ്റം വരുത്താനോ ഡിലീറ്റ് ചെയ്യാനോ, സേവനങ്ങള്‍ തടസ്സപ്പെടുത്താനും, അല്ലെങ്കില്‍ കൂടുതല്‍ ആക്രമണങ്ങള്‍ക്കുള്ള വിക്ഷേപണതറയായി കീഴ്‌പ്പെടുത്തിയ സിസ്റ്റത്തെ ഉപയോഗിക്കാനും ഹാക്കര്‍മാര്‍ക്ക് സാധിക്കും.
ലക്ഷ്യങ്ങളുടെയും പ്രയോഗിക്കുന്ന സാങ്കേതികവിദ്യകളുടെയും അടിസ്ഥാനത്തില്‍ ഹാക്കിംഗിനെ വ്യത്യസ്ത വിഭാഗങ്ങളിലേക്ക് തരംതിരിക്കാം. ചില ഹാക്കര്‍മാര്‍ സാമ്പത്തിക വിവരങ്ങള്‍ മോഷ്ടിക്കുക, ഐഡന്റിറ്റി മോഷണം നടത്തുക, വ്യക്തിഗത നേട്ടത്തിനായുള്ള തട്ടിപ്പ് തയ്യാറാക്കുക തുടങ്ങിയ നിയമവിരുദ്ധ പ്രവര്‍ത്തനങ്ങളില്‍ ഏര്‍പ്പെടും. മറ്റുചിലര്‍ ഹാക്ക് ചെയ്യുന്നത് പ്രത്യയശാസ്ത്ര കാരണങ്ങള്‍ കൊണ്ടാകും. സംഘടനകളുടെയോ സര്‍ക്കാറുകളുടെയോ സിസ്റ്റങ്ങള്‍ തടസപ്പെടുത്താനോ നാശംവരുത്താനോ ഇവര്‍ ശ്രമിക്കും. ധാര്‍മ്മിക (എത്തിക്കല്‍) ഹാക്കര്‍മാരുമുണ്ട്. ഇവരെ പൊതുവെ ''വെള്ളത്തൊപ്പി'' ഹാക്കര്‍മാര്‍ എന്നാണ് വിളിക്കാറ്. ദൗര്‍ബല്യങ്ങള്‍ തിരിച്ചറിയാനും സുരക്ഷാ നടപടികള്‍ മെച്ചപ്പെടുത്താനുള്ള സഹായവുമായി അംഗീകൃത ഹാക്കിംഗ് ആണ് അവര്‍ നടത്തുക.
ഹാക്കിംഗിനെ സഹജമായി നല്ലതെന്നോ മോശമെന്നോ പറയാനാകില്ലെന്നത് പ്രധാനമായും ശ്രദ്ധിക്കണം. അതില്‍ ഉള്‍പ്പെട്ട വ്യക്തികളുടെ ലക്ഷ്യങ്ങളെയും പ്രവര്‍ത്തനങ്ങളെയും അവലംബിച്ചാണ് അതുള്ളത്. ഉദാഹരണത്തിന്, സൈബര്‍ സുരക്ഷ മെച്ചപ്പെടുത്തുന്നതില്‍ സുപ്രധാന പങ്കാണ് എത്തിക്കല്‍ ഹാക്കിംഗ് നിര്‍വഹിക്കുന്നത്. തട്ടിപ്പ് ഹാക്കര്‍മാര്‍ ചൂഷണം ചെയ്യുന്നതിന് മുമ്പ് ദൗര്‍ബല്യങ്ങള്‍ തിരിച്ചറിയുകയാണ് ഇവര്‍ ചെയ്യുന്നത്. എന്നിരുന്നാലും, അനധികൃത ഹാക്കിംഗും സൈബര്‍ ക്രിമിനല്‍ പ്രവര്‍ത്തനങ്ങളും വ്യക്തികള്‍ക്കും, സംഘടനകള്‍ക്കും, സമൂഹത്തിന് മൊത്തത്തിലും വലിയ ഭീഷണി ഉയര്‍ത്തുന്നുണ്ട്. പുഷ്‌കലമായ സുരക്ഷാ നടപടിക്രമങ്ങളും മുന്‍കരുതലുകളും ആവശ്യമാ