اتھ متعلق مۅختصر
انٹرنٮ۪ٹ بغٲر ہٮ۪کو نہٕ دُنیاہُک تصوُر کٔرِتھ، تہٕ یِتھے کٔنۍ ہٮ۪کو نہٕ برٛوزر بغٲر انٹرنٮ۪ٹُکِس بارس منٛز سوٗنٛچِتھ تہِ، تِکیازِ یہِ کینٛژھا آن لاین سپدان چُھ، مثلن انٹرنٮ۪ٹُک ورتاو، خریدٲری،ٹِکٹہٕ بُک کرنہِ ، وغٲرٕ چُھ سورُےٕ برٛوزر سٍتۍ ممکن۔
ازِ کل چُھ بوزنس منٛز یِوان زِ دُنیاہس منٛز چھٮ۪نہ آف لاین بلکہِ سارے کامہِ آن لاین سپدان، لُکن سمکُھن،چیٖزن ہٕنٛز خریدوفروخت،پونٛسن ہٕنٛز ادایگی،بینکن سٍتۍ لین دین، تہٕ چیٖز ہیٚنۍ بیترِ چُھ سورُےٕ آن لاین سپدان۔
ییٚلہِ زنہٕ سورُےٕ تہٕ پرٛتھ کینٛہہ آن لاین تہٕ انٹرنٮ۪ٹ برٛوزر ذریعہِ دستیاب چُھ، تیٚلہِ چھےٚ برٛوزرٕچ حفاظت اکھ بوٚڈ مسلہٕ تہٕ لہذا برٛوزرٕچ حفاظت مطلب گو تِم اقدام تُلٕنۍ یِمو سٍتۍ ویب بروزر تہٕ تِم تمام آلہٕ یِم اَمہِ ذریعہِ چلان آسن تمام خطرو نِشہِ بچاوٕنۍ یِمو سٍتۍ رازدٲری، سمجوتہٕ تہٕ صٲرف سٕنٛز آن لاین دستیٲبی مُتٲثر سپدِ۔
واریاہ براوزر دستیاب آسنہٕ باوجوٗد چِھ کینٛہہ بروزر زیادٕ استعمال سپدان یِمن منٛز مایکرو سافٹ ایج، موزیلا فایر فوکس، گوٗگل کرٛوٗم تہٕ سفاری بیترِ چِھ۔