زان
سایبر بُلنِگ چھُ آن لاین کھوٚژناون وول سلوٗک یتھ منٛز أکِس فردس آن لاین عوٲمی پلیٹ فارمس پٮ۪ٹھ دمکی آمیز ، ذِلت آمیز، شرمناک تہٕ ہراساں کرن والٮ۪و پوسٹو یا کاروٲیو سٍتۍ نِشانہٕ بنٲوِتھ چھِ ہٮ۪کان۔
یہٕ کٲم چھےٚ الیکٹرانِک ٹیکنالوجی ہِندِ ذریعہ انجام دِنہ یِوان۔یتھ منٛز مختلف آلہٕ مِشالے سیل فون،کمپیوٗٹر، تہٕ ٹیبلِٹس سٍتۍ سٍتۍ موٲسلٲتی سامان بشموٗل سوشل میٖڈیا سایٹہٕ، ٹیکسٹ مسیج،ای میل،چیٹ روٗم، ڈِسکَشن گروپ تہٕ اِنٹرنیٹس منٛز ویب سایٹہٕ شٲمِل چھےٚ۔
سایبر بُلِنگ ہِنٛزن مِثالن منٛز چھِ ٹیکسٹ مسیج یا ای میل، ای میلکِہ ذٔریعہ سوزنہٕ آمٕتۍ افواہ یا سوشل نیٹ ؤرکِنگ سایٹن پٮ۪ٹھ پوسٹ کرنہٕ آمژٕ شرمناک تصویٖرٕ،ویٖڈیو، ویب سایٹس یا جعلی پروفایلس پٮ۪ٹھ سوزٕنۍ شٲمِل ۔
اَسِہ کِیٛازِ پزِ فِکر کرٕنۍ؟
سایبر بُلِنٛگ ہٕنٛز عمل چھیٚہ نہٕ بچس صِرف جذبٲتۍ طورےٕ یوت نۅقصان واتناوان بلکہ چھُس آن لاین تہٕ آف لاین گرٛوپن منٛز تہِ نِشانہٕ بننُک خطرٕ روزان۔ییٚمِہ وجہ سٍتۍ سُہ سمٲجہِ نِش دوٗر روزِتھ ذہنی یا دِمٲغی تناوُک شُکار گٔژھان چھُ تہٕ یُس خودکشی ہُنٛد بٲعث تہِ چھُ بنان ۔
کیٚنہ اِشارٕ/ نِشان یِم ظٲہر چھِ کران زِ بچِہ چھُ سایبر بُلِنٛگ ہُنٛد شِکار:
*اکثروبیشتر بیمار گژُھن تہٕ کھٮ۪ن چٮ۪ن تراوُن۔
* سکول یا کالیج نہٕ گژھُن تہٕ پنُن پان لوٗکو نِش الگ تھلگ کرُن۔
*اُداس،پریشان،غمگیٖن تہٕ فِکِرمنٛد روزُن۔
* کُنِہ تِہ کامِہ منٛز دِلچسپی راوٕنۍ۔