تعارُف۔
سائبر جرائم چھ تمن مجرمانہ سرگرمین ہنٛد حوالہٕ دیوان یم انٹرنیٹ یا ڈیجیٹل ٹٮ۪کنالوجی ہنٛد دیمن شکلن ہنٛد استعمال کران چھ انجام دینہٕ یوان ییلہٕ زن سائبر جرائم سۭتۍ چھ مراد تم غٲر قونوٗنی سرگرمیہٕ یم انٹرنیٹ یا کمپیوٹر نیٹ ورکسک دیمن شکلن ہنٛد استعمال کران چھ۔
سائبر کرائم تہٕ سائبر آفینس چھ تم اصطلاحات یم اکثر انٹرنیٹس پٮ۪ٹھ گژھن وٲلۍ مجرمانہ سرگرمیہٕ بیان کرنہٕ خٲطرٕ چھ متبادلہٕ استعمال یوان کرنہٕ۔
مثلن، سائبر جرمس منٛز ہیکہٕ اجازت بغأر کمپیوٹر سسٹمس منٛز ہیکنگ، ذٲتی معلومات ژوٗر کرن، یا آن لائن غأر قونوٗنی مواد تقسیم کرن شأمل أستھ۔
امہٕ قٕسمچ جرمہٕ ہیکن متعدد منفی نتأئج پٲدٕ کٔرتھ، ییتھ کیٛن زن مالیٲتی نۄقصان، ساکھس نۄقصان، تہٕ راز دأری پٮ۪ٹھ حملہٕ۔ پانس سائبر جرمو نش بچاونہٕ خٲطرٕ قدم ننہٕ چھ اہم، یتھ کنہِ ز مضبوٗط پاس ورڈ استعمال کرن تہٕ ذٲتی زانٛکٲری آن لاین شیئر کرنس منٛز احتیاط کرن۔
سائبر جرم چھ عام طور پٲٹھۍ ژۄن زمرن منٛز تقسیم کرنہٕ یوان تہٕ یمو منٛز چھ اکھ نفرس ٹارگیٹ کرن۔ اتھ منٛز چھ فشنگ، سپوفنگ، سپیم، سائبر سٹاکنگ تہٕ واریاہ شٲمل۔
سائبر سٹاکنگ کیا چھ؟
اکھ سائبر سٹاککر چھ تہنٛز آن لائن سرگرمی ہنٛز نگرٲنی خٲطرٕ انٹرنیٹ تہٕ الیکٹرانک ذرائعک استعمال کران تہٕ ہراساں کرنہٕ، خوفزدہ کرنہٕ، شرمسار کرنہٕ، الزام لگاونہٕ، دھمکی دنہٕ، شناخت ژوٗر یا میلویئر حملہ کرنہٕ خٲطرٕ چھ تہنٛد ٹھکانہ تلاش کران۔
سائبر سٹاک کرن وول چھ آن لاین ذٔریعہٕ یتھ کنہِ تہنٛد ای میل، سوشل نیٹ ورک، انسٹنٹ میسجنگ وغیرہ استعمال کٔرتھ تۄہہ گمنام پٲٹھۍ ہراساں کرٕنہ شروٗع کران۔ تم ہؠکن تہنٛز راز دٲری منٛز دراندازی کٔرتھ تہٕ تہنٛز جسمٲنی جایہ ہنٛد سراغ لگٲوتھ تہٕ نۄقصان واتٲوتھ۔ تم ہؠکن تہنٛد آن لاین اکاونٹ کنٹرول کٔرتھ تہٕ آن لاین ہؠکن تہنٛدس بارس منٛز غلط افواہ پھیلاوتھ۔
اسہ کیٛاز گژھ فکر کرن؟
سائبر سٹاکنگ ہیکہ نہٕ صرف پریشان کن تہٕ تناو دار ٲستھ مگر یہ ہیکہ تۄہہ آن لائن یا آف لائن سٹاکرن ہنٛد حملہٕ گژھنک خطرٕ تہ بنٲوتھ۔