துவக்கவுரை
சைபர் (இணையக்) குற்றத்தாக்குதல்கள் என்பது இணையம் அல்லது பிற டிஜிட்டல் தொழில்நுட்பத்தைப் பயன்படுத்தி செய்யப்படும் குற்றச் செயல்களைக் குறிக்கும் அதே சமயம் சைபர் (இணையக்) குற்றங்கள் என்பது இணையம் அல்லது பிற கணினி நெட்வொர்க்குகளைப் பயன்படுத்தி செய்யப்படும் சட்டவிரோதச் செயல்களைக் குறிக்கிறது.
சைபர் குற்றங்கள் மற்றும் சைபர் குற்றத்தாக்குதல்கள் என்பது இணையத்தில் நிகழும் குற்றச் செயல்களை விவரிக்க அடிக்கடி மாறிமாறி பயன்படுத்தப்படும் சொற்கள்.
எடுத்துக்காட்டாக, சைபர் குற்றத்தாக்குதல்களில் அங்கீகாரம் இல்லாமல் கணினி அமைப்பில் ஊடுருவது, தனிப்பட்ட தகவல்களை திருடுவது அல்லது இணையத்தில் சட்டவிரோதமான உள்ளடக்கத்தை விநியோகிப்பது ஆகியவை அடங்கும்.
இந்த வகையான குற்றங்கள் நிதி இழப்பு, நற்பெயருக்கு சேதம் மற்றும் தனியுரிமை ஆக்கிரமிப்பு போன்ற பலவிதமான எதிர்மறையான விளைவுகளை ஏற்படுத்தலாம். வலுவான கடவுச்சொற்களைப் பயன்படுத்துவது மற்றும் இணையத்தில் தனிப்பட்ட தகவல்களைப் பகிர்வதில் எச்சரிக்கையாக இருப்பது போன்ற சைபர் (இணையக்) குற்றத்தாக்குதல்களில் இருந்து தன்னைப் பாதுகாத்துக் கொள்ள நடவடிக்கை எடுப்பது முக்கியம்.
சைபர் குற்றத்தாக்குதல்கள், பொதுவாக, நான்கு வகைகளாக வகைப்படுத்தப்படுகின்றன, அவற்றில் ஒன்று தனிநபர்களை இலக்காகக் கொள்வது ஆகும். இதில் ஃபிஷிங், ஸ்பூஃபிங், ஸ்பேம், இணைய வேட்டை (சைபர் ஸ்டால்க்கிங்) மற்றும் பல உள்ளன.
இணைய வேட்டை (சைபர் ஸ்டால்க்கிங்) என்றால் என்ன?
இணைய வேட்டைக்காரர் (சைபர்ஸ்டால்க்கர்) இணையம் மற்றும் மின்னணு வழிகளைப் பயன்படுத்தி உங்கள் இணையச் செயல்பாடுகளைக் கண்காணிக்கவும், துன்புறுத்தவும், மிரட்டவும், சங்கடப்படுத்தவும், குற்றஞ்சாட்டவும், அச்சுறுத்தவும், அடையாளத் திருட்டு அல்லது மால்வேர் தாக்குதலைச் செய்யவும் உங்கள் இருப்பிடத்தைக் கண்காணிப்பார்.
உங்கள் மின்னஞ்சல், சமூக நெட்வொர்க்குகள், உடனடி செய்தி அனுப்புதல் போன்ற இணைய வழிகளைப் பயன்படுத்தி இணைய வேட்டைக்காரர் (சைபர்ஸ்டால்க்கர்) உங்களை அநாமதேயமாகத் துன்புறுத்தத் தொடங்குவார். அவர்கள் உங்கள் தனியுரிமையில் ஊடுருவி உங்கள் இருப்பிடத்தைக் கண்காணித்து தீங்கு விளைவிக்கலாம். அவர்கள் உங்கள் இணையக் கணக்குகளின் கட்டுப்பாட்டை எடுத்துக் கொள்ளலாம் மற்றும் இணையத்தில் உங்களைப் பற்றிய தவறான வதந்திகளைப் பரப்பலாம்.
நாம் ஏன் கவலைப்பட வேண்டும்?
இணைய வேட்டை (சைபர் ஸ்டால்க்கிங்) தொந்தரவு மற்றும் மன அழுத்தத்தை ஏற்படுத்துவது மட்டுமல்லாமல், இணையத்திலும் அல்லது இணையம் சாரா விஷயங்களிலும் வேட்டையாடுபவர் உங்களைத் தாக்கும் அபாயத்தையும் ஏற்படுத்தலாம்.