কে ৱাই চিৰ জালিয়াতি
আপোনাৰ গ্ৰাহকক চিনি পাওক (KYC) হৈছে বিভিন্ন ব্যৱসায়/নতুন গ্ৰাহকে যোগদান কৰাৰ সময়ত আৰু সময়ে সময়ে বৰ্তমানৰ গ্ৰাহকসকলক অনুসৰণ কৰা এটা পৰিচয় পৰীক্ষণ প্ৰক্ৰিয়া।
কে ৱাই চি কিয় জৰুৰী?
কে ৱাই চিৰ মূল উদ্দেশ্য হৈছে পৰিচয় চুৰি, সন্ত্ৰাসবাদীৰ বিত্তীয় সাহায্য, ধন সৰবৰাহ, আৰু আৰ্থিক জালিয়াতি ৰোধ কৰা। কে ৱাই চি প্ৰক্ৰিয়াই বিত্তীয় প্ৰতিষ্ঠান আৰু ব্যৱসায়ীসকলক গ্ৰাহকক ভালদৰে বুজাত সহায় কৰে। আৰ বি আইৰ নীতি অনুসৰি কে ৱাই চি বাধ্যতামূলক প্ৰয়োজনীয়তাত পৰিণত হৈছে।
কে ৱাই চি প্ৰক্ৰিয়া সম্পূৰ্ণ কৰিবলৈ গ্ৰাহকৰ তলত দিয়া বিৱৰণ সংগ্ৰহ কৰা হয়।
- আইনী নাম
- পৰিচয়ৰ প্ৰমাণ
- পৰিচয় প্ৰমাণ অনুসৰি সঠিক স্থায়ী ঠিকনা
- প্ৰতিষ্ঠান বা ব্যক্তিৰ আইনী মৰ্যাদা।
কেৱাইচি(KYC) জালিয়াতি
এই ব্যৱস্থাৰ অযথা সুবিধা লৈ প্ৰৱঞ্চকসকলে গ্ৰাহকৰ ব্যক্তিগত তথ্য সংগ্ৰহ কৰিবলৈ বেংকৰ প্ৰতিনিধিৰ অভিনয় কৰি ভুৱা এছএমএছ /টেক্সট মেছেজ প্ৰেৰণ কৰে বা প্ৰৱঞ্চনামূলক ফোন কৰে। প্ৰৱঞ্চকসকলে গ্ৰাহকসকলক ফিছিং লিংক, বা 10 সংখ্যাৰ মোবাইল নম্বৰ প্ৰদান কৰিব পাৰে বা তেওঁলোকক ডিজিটেল ডিভাইচত প্ৰৱেশ দিবলৈ পতিয়ন নিয়াব পাৰে, যাৰ জৰিয়তে তেওঁলোকে গ্ৰাহকৰ ব্যক্তিগত তথ্য লাভ কৰি ধন চুৰি কৰিবলৈ তেওঁলোকৰ বেংকিং একাউণ্টত অকৰ্তৃত্বশীল প্ৰৱেশ লাভ কৰাৰ মনস্থ কৰে।
বহুতো নিৰীহ লোকে সাম্প্রতিক সময়ত এই প্রৱঞ্চনাৰ ফলত কষ্টোপাৰ্জিত ধন হেৰুৱাইছে আৰু এতিয়াও এনে কাৰ্য্য অব্যাহত আছে৷